“Кнігі-юбіляры 2023 года”
6 красавіка ў бібліятэцы была наладжана выстава-прэзентацыя “Кнігі-юбіляры 2023 года”.
Выстава мела тры часткі. Першы раздзел уключаў кнігі, знаёмыя школьнікам з ранняга дзяцінства. Сярод іх найперш тыя, якія былі напісаны шмат гадоў назад. Юбілеі святкавалі добра знаёмыя кнігі:
А. Пушкін. Казка пра рыбака і рыбку – 185 гадоў;
А. Пушкін. Казка пра мёртвую царэўну – 185;
С. Аксакаў. Аленькая кветачка – 165;
Д. Мамін-Сібірак. Шэрая шыйка – 125;
К. Чукоўскі. Мыйдадыр – 100;
К. Чукоўскі. Тараканішча – 100;
М. Носаў. Нязнайка ў сонечным горадзе – 65 ;
Э. Ліндгрэн. Эміль з Лённебергі – 60.
Былі прэзентаваны кнігі-юбіляры 2023 года беларускіх пісьменнікаў. 110 гадоў споўнілася такім творам Янкі Купалы – “Бандароўна”, “Магіла льва”, “Паўлінка”, “Раскіданае гняздо”, “Яна і я”.
Сярод юбіляраў – “Новая зямля” і “У палескай глушы” Якуба Коласа. Гэтым творам – па 100 гадоў, яны ўключаны ў школьную праграму. Былі прэзентаваны і іншыя творы: В.Быкаў “Круглянскі мост” (55 гадоў), У. Караткевіч “Каласы пад сярпом тваім” (55 гадоў), В. Адамчык “Чужая бацькаўшчына” – 45 гадоў, а таксама многія іншыя.
Былі прапанаваны творы рускай і замежнай літаратуры для школьнікаў сярэдняга і старэйшага ўзросту. Гэта кнігі, якія школьнікі ўжо вывучалі на ўроках літаратуры, а таксама тыя, з якімі іх чакае знаёмства наперадзе.
175 – “Белые ночи” Ф. Дастаеўскага:
165 – “Приключения Оливера Твиста” Ч. Дзікенса;
155 – “Дети капитана Гранта” Ж. Верна;
145 – “Пятнадцатилетний капитан” Ж. Верна;
140 – “ Остров сокровищ” Р. Стывенсана;
100 – “Алые паруса” А. Грына;
50 – “Архипелаг ГУЛАГ” А. Салжэніцына.
На выставе былі і іншыя кнігі. Іх можна было патрымаць у руках, пагартаць, прыгадаць свае любімыя.
Вучні пазнаёміліся і з пісьменнікамі-юбілярамі 2023 года.
Знаёмства з пісьменнікамі-юбілярамі і кнігамі-юбілярамі 2023 года – гэта запрашэнне ў цікавае падарожжа ў гісторыю і культуру розных народаў, у свет казкі, прыгодаў, фантастыкі, у свет паэзіі.